История школы

 

  Наахара орто оскуолата улуус кырдьа5ас оскуолаларыттан биирдэстэрэ. Национальнай архив докумуоннарыттан кэпсэнэринэн оскуола 1900 сыл бала5ан ыйыттан аhыллыбыт. Учууталынан Иннокентий Николаевич Левин улэлээбит. 16 уерэнээччилээх, библиотекатыгар 53 учебниктаах, 29 пособиелаах, 99 кылаас таhынан аа5ыыга кинигэлээх эбит. (Краткие отчетные сведения за 1900 гражданский год. Ф.287 и, оп.3, д.57).

Оскуола бастаан тацара дьиэтигэр улэлээбит. 1905 сыллаахха саца оскуола дьиэтэ тутуллубут. Тутууга Василий Михайлович Бубякин бэдэрээттэспит. Нэhилиэк дьоно кемелеен бэрэбинэтин киллэрэн биэрбиттэр. (Ф.287 и, оп.3, д.63 «Дела по постройке школьного здания»). Интэриэhинэйэ, учуутал квартирата кытта былаацца керуллубут. Бу оскуола  Тацара дьиэтэ диэн сиргэ тутуллубут. Кэлин Хочо5о кеhеруллэн киирэн 1990-с сылларга диэри оскуола мастарыскыайа буолан Советскай уулусса5а турбута. Онтон дойду оло5ун тосту уларыппыт, угус киhи оло5ун аймаабыт Октябрьскай революция, гражданскай сэрии кэннилэриттэн олох оннун булан барыыта 1932 сыллаахха саңа оскуола дьиэтин Хочо5о тутан дьэндэтэн кэбиспиттэр.  2005 сыллаахха оскуола саца таас дьиэтэ  улэ5э киирбитэ. 

        Суустэн тахса сыл устата  оскуола коллектива уерэ5ирии сайдыытыгар бэйэтин дьоhун кылаатын киллэрбитэ саарба5а суох. Биhиги выпускниктарбыт республика норуотун хаhаайыстыбатын араас салааларыгар ситиhиилээхтик улэлииллэр. Кинилэр ортолоругар Саха АССР Киин Ситэриилээх комитетын председателэ Н.В.Бубякин, сырдатааччы, нэhилиэк бастакы уерэхтээ5э И.И.Платонов, Ил Тyмэн депутата Б.Н.Бубякин, Саха Республикатын норуодунай артыыстара М.К.Попова, М.П.Колесова, С.И.Борисова, Саха АССР культуратын утуелээх улэhитэ, улуус бочуоттаах гражданина, учуутал В.Р.Уломжинскай уо.д.а. курдук саха норуотун историятыгар кэрэ-бэлиэ суолу хаалларбыттары киэн туттан ааттыыбыт. Уерэнээччилэр килбиэннээх улэлэрэ – оскуола албан аата.